يوميات المتطوعين مع يوم الكساء

 ((احمد ممدوح محمد))
جنة الله علي الارض احساس يوم الكساء
سلام عليكم يا شباب رسالة الاعزاء
بجد والله وحشتوني؛؛
ووحشتني الجمعية
ووحشتني احلى ايام واحلى شغل في الخير>>
زعلان السنة دي جدا جدا جدا
ومش عارف ازاي هيعدي رمضان عليا وانا مش في رسالة””
وازاي هيعدي يوم 28 و29 رمضان وانا مش في التجهيز لليوم او الشغل فيه …
لكن للغربة أحكام وأحكام قاسية جدا
ادعولي ربنا يهونها عليا وعلى كل المتغربين
لو حد قالي ألخص يوم الكساء في كلمتين
هقوله::
يوم الكساء = التعب اللذيذ
كلنا كمتطوعين عارفين ان ده اضخم حدث خيري بالنسبة لنا
وبالنسبة لجميع فروع رسالة
وتجهيزه بيبقى من شهور؛؛
وبنتعب فيه جامد جدا ::
من جمع تبرعات
لفرز—– لنقل لمغاسل—- لمخازن— لتجهيز مخيم— وتجهيز باكيات—
للشغل في اليوم نفسه وترتيباته
كل ده بيستهلك منا وقت ومجهود متعبين جدا ^_^
ولكن التعب ده كله يهون في سبيل الله
وفي سبيل ان احنا نفرح الغلابة قبل العيد
وفي سبيل ان احنا كشباب نحقق ذاتنا ونفسنا
ونتحمل مسئولية ونكون قدها وقدود
كل التعب ده بننساه في لحظة … لما نخلص اليوم ونفرح كلنا بنعمة ربنا علينا ^_^
ان اليوم نجح نجاح كبير
وان الحالات كلها رجعت مبسوطة وراضية ..
وبننسى كل التعب<*** لما نسجد شكرا لله على النعمة الكبيرة دي***>
انا واحد من الناس
اللي وظيفتهم في ثلاث ايام كساء متتالية:: في منطقة باقول عليها ( الثغرة )
ألا وهي أمن بوابة الاستقبال اللي منها على الباكيات على طول …
يعلم الله كنا بنتزق وبنتضرب……. ويتعمل فينا بلاوي
ونحايل؛ وندادي؛ ونطبطب؛ ونزعق؛ وننبح صوتنا؛
ووصلت معايا في مرة لدرجة الانهيار العصبي – والله بجد- ومابقيتش قادر بعدها ..
انا على آخر اليوم كان صوتي بيروح خالص
وكنت بارجع البيت جسمي مكسر وصوتي رايح جدا ومش عارف اتكلم
بس يعلم الله اني بابقى في قمة السعادة بنجاح اليوم ونعمة ربنا علينا
ممكن حد يشوف كلامي ده ويخاف وما يجيش معانا اليوم ..
هاقوله::
*** اخلص نيتك لوجه الله
واتعب في سبيل الله
وهتشوف اثر اليوم ده في نفسك خير وبركة باذن الله ..
ولو عندك مشكلة او حاجة مضايقاك
** روح يوم الكساء بنية ان ربنا يزيح عنك الهم والمشكلة وباذن الله تتحل لوحدها ..
واسأل مجرب
كانت عندي مشكلة كبيرة جدا وسعيت بكل الطرق عشان احلها
لكن يخيب املي في الآخر ..
حتى لما الاقي نقطة امل في الموضوع
وامشي وراها تيجي تتسد قدامي ويأست وسبت الموضوع تماما
في تاني يوم كساء ليا في الجمعية؛: وانا رايح على المخيم دعيت ربنا
وقلت : يارب انا رايح اليوم ده بثلاث نوايا ..
تغفر لي ذنبي ..
تعتقني من النار ..
وتنجيني من الورطة والمشكلة اللي انا فيها …
اقسم لكم بالله يا شباب في اقل من شهر واتحلت المشكلة تلقائيا لوحدها
بدون أي تدخل مني والله العظيم يا شباب واحسب ان ربي جل في علاه استجاب لدعواتي الأخرى
وطبعا بما اني كوميديان***
لازم اضيف لمساتي وقفشاتي تلطيفا للجو ..
ولا انسى التنططة على عربيات الربع نقل والنص نقل
واحنا بننقل اللبس والتهييس اللي بيحصل
ومواقف كتير حلوة بتحصل في خلال ايام التجهيزوالشغل
معلش طولت عليكم يا شباب ..
بس ربنا يعلم اليوم ده بيمثلي ايه ..
اوصيكم أخيرا باخلاص النية لوجه الله
واخلاص العمل لوجه الله
واتقان العمل لوجه الله
وانكم تدلوا الشباب كلهم على الخير اللي انتوا عايشين فيه
وباذن الله تقضوا ايام في رسالة تحلفوا بيها طول عمركم
وتحكوها لاولادكم واولاد اولادكم وتخلوهم كمان متطوعين في الخير باذن الله

اللهم استخدمنا في الخير ولا تستبدلنا بالغير يارب العالمين

((ايهاب محسن عبدالخالق))
جنة الله علي الارض احساس يوم الكساء
سلام عليكم::
ازيكم ياشباب رسالة الاعزاء
انا مبسوط جدا جدا ^_^ ^_^
ان ربنا كرمنا وحقق حلم يوم الكساء خلال السنين الى فاتت
وعرفنا ازاى كشباب ان نكون ايجابيين فى حياتنا
ونقدر نحقق المعجزات(::
ع العموم يوم الكساء ده هو من افضل الايام:؛
ان الواحد بيحس فيها<** انه فعلا قادر انه يسعد الاف الناس**>
حتى ولو كان اليوم متعب ومرهق!!
بس فيه لذة جميلة جدا انا فرحان جدا ^_^
لانى شوفت رسالة *؛وهى لسه صغيرة وبتكبر يوم بعد يوم
والشباب بيزيد فيها يوم بعد يوم
بجد انا فخور اانى متطوع فى رسالة^_^
وهافضل احبها ع طوووووووووووول
و لو الواحد مقصر فى حقها
ومش موجود
اتمنى من ربنا انا المكان ده يفضل يطلع خير
ويقدر يساعد كل الناس
***يوم الكساء وطول السنة بردوا***
لاننا لازم نحس بقيمة اللى احنا فيه
ونقدر نحس بالناس الغلابة اللى محسوش بطعم الفرحة^_^
وعشان نقدر نفرحهم ونسعدهم فى يوم الجميل ده
دا بيبقى فيه مراحل كتير للاستعداد الكامل لليوم؛)
وانه يطلع باحسن صورة عن كل سنة
ربنا يعلم ان <***رسالة دى من احسن الحاجات اللي فى حياة الواحد؛
بحس انه بنى ادم؛
وانه ربنا انعم عليه بحاجات كتيرة جدا جدا؛
ولازم انه يستغلها فى مساعدة الناس؛؛***>
ومبسوط اوى^_^
؛؛) ان الشباب السنة دى بدات من بدرى الفرز
ودا ادليل على المجهود الشاق اللى بيعملوه):
اتمنى من ربنا
انه يستجيب لنا
ويتقبل منا كل الخير اللى بنعمله
ونحاول نرضى كل الناس ع طول
سواء فى اليوم دا او اى يوم تانى
ونقدر فى شهر رمضان اننا نكون من عباده اللى اختصهم الله فى قضاء حوائج الناس
عشان كل الناس تشاور علينا يوم القيام
اسف انى طولت عليكم ياشباب؛:)
بس ربنا يعلم ان فيه كلام كتير فى قلب الواحد عايز يقوله:
بس ع العموم
انا بنصح الشباب اللى مجربوش باللذة دى انه يجربها السنة دة فى رسالة
طوال رمضان
واحب اشكر كل الناس اللى ساهمت فى النهوض بالجمعية
وبقت من اكبر الجمعيات الخيرية فى مصر
واشكر كل الناس اللى نفسها تكون موجوده فى اليوم ده
بس نتيجة لظروف الشغل والسفر
انا بحييهم كتير
وان شاء الله باخلاص النية اكنهم موجودين بالظبط
واملى انه يكون السنة دى من احلى السنين^_^
*؛ رسالاوى مدمن عطاء*؛

(( سمر جمعة))

جنة الله علي الارض احساس يوم الكساء

فعلا جنه الله على الارض
يوم من أحلى أيام العمر……… كأنك في الجنه (:
أول يوم كساء بالنسبه لي:
كان أول سنه رساله الفيوم تعمل كساء
التجربه كانت مش بس فريده من نوعها ؟!!!!!!!!!
لا دي كانت إكتشااااااااااااااف (:
إتعلمت يعني إيه تكون ميت من التعب بس وشك مرسوم عليه إبتسام ^_^ه مفيش زيها يعني إيه تحس…………
إن ربنا إستخدمك علشان تدخل السرور على قلوب كل الناس دي……….
بجد يوم تاريخي ملوش حل
عمري ما هنسى أول كساء وإحنا متلغبطين بس مصممين التجربه تكمل
حلم إترسم بإيدينا
وحققناه الحمد لله إن ربنا إستخدمنا ويا رب لا نستبدل أبدا
يا رب كساء ورا كساء مكملين………….
وعزيمتنا أقوي إننا نكبر أحلامنا ونسعد محتاجين أكتر^_^
( وعَجِلْتُ إِلَيْكَ رَبِّ لِتَرْضَى )

(( نشوان الجبيلى ))

جنة الله علي الارض احساس يوم الكساء
كان تقريبا أول مره أعرف معنى كلمة (عيد)^_^ !!!
اليوم ده كانت أول مره أحس بجد بإن ربنا راضى عنى
وبيحبنى جدا جدا جدا):
عشان أختصنى و قدرلى أشارك ف يوم زى ده،،،
بجد كنت حاسس من كتر ما أنا بعمل حاجه كويسه؛
أتمنيت أنى أموت وأنا في وسط عمل زى ده

و وسط مكان زى ده

بجد إحساسى يومها كأنى اتولدت من جديد ف دنيا الخير^_^

اللهم ارزقنا الإخلاص ؛

اللهم استخدمنا فالخير ولا تستبدلنا بالغير